Inanunsiyo ng Commission on Elections (COMELEC) na “most successful election” o pinakamatagumpay na halalan sa kasaysayan ng bansa ang May 9, 2022 polls.
Ayon kay COMELEC Chairman George Garcia, nakalikom ang kanilang komisyon ng 82 percent na trust rating mula sa pinakabagong pulse asia survey.
Aniya, 23 lamang ang naitalang karahasan na may kaugnayan sa eleksyon, na mas mababa kumpara sa 166 na insidenteng naitala noong 2016 at 133 noong 2019.
Pinuri rin ng opisyal ang “speed and accuracy” sa tally ng mga resulta, kung saan alas-diyes pa lamang noong Mayo 9 ay nag-concede na ang ibang presidential candidate sa nangunguna noong si Pangulong Ferdinand Marcos Jr.
