Tukoy na ng Department of Education (DepEd) ang may akda ng nag-viral na module na gumamit ng double meaning o may pagka-bastos na pangalan.
Ayon kay Education Secretary Leonor Briones, natukoy na nila ang background ng taong sumulat ng module at ang paunang pahayag nito sa usapin.
Dagdag ni Briones, kanila na ring natunton ang kinabibilangang organisasyon ng may-akda ng module.
Habang inaalam na rin nila kung ginamit o ginagamit din ang katulad na module sa iba pang eskuwelahan.
Kasabay nito, tiniyak ni Briones na kanilang aaksyunan ang naturang insidente at pananagutin ang mga sangkot dito.
Una nang itinanggi ng DepEd na nanggaling sa kanila ang naturang module na ginamit sa isang private school sa Zambales.
