Ipinaaaresto na ni Pangulong Rodrigo Duterte ang operator o may–ari ng Dimple Star bus na sangkot sa nangyaring insidente sa Occidental Mindoro.
Ayon kay Special Assistant to the President Bong Go, nais papanagutin ng Pangulo ang mismong operator ng nasabing bus unit at maging ang lahat ng mga colorum na pampasaherong bus.
Kahapon ay personal na nakiramay si Pangulong Duterte sa mga naulilang pamilya ng 19 na nasawi sa nahulog na Dimple Star bus.
Binisita ng pangulo ang burol ng ilan sa mga nasawi sa Barangay San Agustin sa bayan ng Sablayan.
Pinuntahan din ni Pangulong Duterte ang lugar kung saan naganap ang aksidente at saka dumiretso sa San Sebastian District Hospital kung saan naka–confine ang ilang mga sugatang pasahero.
LOOK: President Rody Duterte visits the victims of the bus crash in Sablayan, Occidental Mindoro (Photos courtesy of SAP Bong Go) | via @mariboyysibido pic.twitter.com/sdd187Ujq0
— DWIZ Newscenter (@dwiz882) March 23, 2018
