Kinumpirma ni Justice Undersecretary Ericson Balmes na nakalabas na ng bansa si Gerardo Gregorio santiago, ang may – ari ng Gream Funeral Homes kung saan dinala ang dinukot na Koreanong Negosyanteng si Jee Ick Joo.
Sinabi ni Balmes na sa monitoring ng Bureau of Immigration o BI, lumipad na patungo sa Vancouver, Canada si Santiago noong Enero 11, 2017 sakay ng Philippine Airlines Flight 118.
Ayon pa kay Balmes na itinuturing nang person of interest sa kaso si Santiago na isang dating pulis at nakasama sa trabaho ni SPO3 Ricky Sta. Isabel.
Matatandaang noong Martes, Enero 17 ay kinumpirma ng NBI o National Bureau of Investigation na natagpuan na ang pinaniniwalaang bangkay ni Jee sa naturang punerarya, na pinabulaanan naman ng NPD o Northern Police District.
By: Katrina Valle / Bert Mozo / Race Perez
