Inilunsad ng Lokal na Pamahalaan ng Maynila ang ‘MayniLOVE’ sa Mehan Garden kasabay ng pagdiriwang ng Buwan ng mga Puso.
Ayon kay Manila Mayor Isko Moreno, layon ng naturang hakbang na tulungan ang mga maliliit na negosyante na muling makabangon sa masamang epekto ng coronavirus disease 2019 (COVID-19) pandemic.
Mababatid kasi na sa loob ng Mehan Garden, may 35 mga booth ang nag-aalok ng candlelight dining experience at iba pang pakulo ngayong nalalapit na Valentine’s Day.
Paliwanag ni Moreno, dahil sa naturang proyekto, aabot sa 200 trabaho ang nilikha na tiyak aniyang makatutulong sa mga Manileño.
Bukas ang MayniLOVE mula alas-4 ng hapon hanggang alas-11 ng gabi mula noong ika-1 hanggang sa ika-15 ng Pebrero.
