Nanindigan ang kampo ni Daraga, Albay Mayor Carlwyn Baldo na walang ebidensyang magpapatunay na siya nga ang nagpapatay kay Ako Bicol Party list Rep. Rodel Batocabe.
Giit ni Mayor Baldo, may nangyayari aniyang gipitan sa Legazpi City kung saan dinidinig ang kaso para idiin siya at tuluyang maabsuwelto ang mga tunay na nasa likod ng krimen.
Kaugnay nito, hiniling ng alkalde sa Department of Justice (DOJ) na tulungan siyang mailipat ang pagdinig sa kaso dito sa Maynila kung saan aniya’y mayruong patas na paglilitis.
Samantala, nagpasaklolo naman si Mayor Baldo kay Pangulong Rodrigo Duterte dahil sa mga umano’y natatanggap niyang banta sa kaniyang buhay maging ng kaniyang pamilya.
May ilang umaalialigid din umano sa kaniya, sa bahay nila gayundin sa munisipyo na mga hindi kilalang tao na may kahina-hinalang pagkilos.
