Pagpapaliwanagin ngayong araw ni Valenzuela City Mayor Rex Gatchalian ang factory owner na nagpasahod ng barya sa isang manggagawa.
Ayon kay Gatchalian,nakausap na niya ang kinatawan ng Next Green Factory upang talakayin ang issue hinggil sa factory worker na si Russel Mañosa.
Kailangan anyang magharap ang dalawang panig upang mabigyang linaw ang hindi patas na labor practice na maaaring matagal ng ginagawa ng Next Green.
“Hindi ko naman sinasabi na guilty sila, ang sinasabi ko lang may alegasyon na ganito at magpakita sila sa akin at para magpaliwanag kundi magsisisi sila, ang buong ekonomiya ng valenzuela nakapasan sa likod ng aming mga manggagawa, huwag naman natin kawawa ang ating mga manggagawa.” Pahayag ni Gatchalian sa panayam ni DWIZ.
–Panulat ni Drew Nacino.
