Marami raw ang nagtaas ng kilay nang aminin ni Kris Aquino na siya mismo as in siya raw ang umayaw kay Quezon City Mayor Herbert Bautista.
Kasabay nito ang paglilinaw ni Kris na nagkasabay lamang sila ni Bistek sa pagtungo sa Rome noong isang taon.
Ayon pa kay Kris, ayaw niyang magpaluwal as in mag-penalty dahil malinaw sa kontrata sa kaniyang endorsements na bawal siyang mag-asawa ng public official kaya’t magpe-penalty siya kapag naging mag-asawa sila ng alkalde.
Ang taray naman ng Queen of All Media!
Samantala, nagpapasalamat naman ang aktor na si RK Bagatsing sa markadong role niya bilang si Mayor Arnaldo Ardiente Torillo sa seryeng Wildflower na pinagbibidahan ni Maja Salvador.
Sabi ni RK, masayang-masaya siya dahil nagpabago ang kanyang career mula nang gampanan niya ang role ni Mayor bagamat sa huli ay namatay ang kanyang karakter.
Itinuturing ni RK na biggest break niya ang nasabing karakter lalo na’t naalala niya ang pagpila niya sa mga audition noon para sa Cinemalaya entries.
Proud ding sinabi ng aktor na never niyang ginamit ang pagiging kapatid ni Raymond Bagatsing bilang advantage sa pagpasok sa showbiz o makuha sa mga audition.
—-
