Sasailalim sa self-quarantine si Manila City Mayor Isko Moreno.
Ito ang inanunsyo mismo ng alkalde matapos bumiyahe ng London, United Kingdom (UK) para sa isang official trip.
Ayon kay Moreno, magpapa-quarantine siya sa loob ng Manila City Hall.
Dagdag ni Moreno, sasailalim din siya sa ilang mga pagsusuri para na rin aniya sa kapanatagan ng lahat.
Kababalik lamang ni Moreno ng Pilipinas mula sa kanyang official trip sa London kung saan nakipagpulong siya kay Robert Deane, ang direktor ng UK government coronavirus task force.
