Ikinasa ng iba’t ibang religious leaders sa Baguio City ang isang ecumenical prayer rally para sa kanilang alkalde na si Retired Police General Benjamin Magalong gayundin sa pamilya nito.
Iyan ay matapos aminin ni Magalong na nababahala siya sa kaligtasan nilang buong pamilya matapos ang naging pagharap nito sa pagdinig ng Senado hinggil sa usapin ng mga ‘ninja cops’.
Gayunman, nanindigan si Magalong na hindi siya patitinag sa mga bantang kaniyang natatanggap at handa pa rin siyang humarap sa Senado sa paniniwalang dapat nang matuldukan ang usapin.
Giit ni Magalong, sa kabila ng mga banta sa kanilang kaligtasan, hindi pa rin niya pababayaan ang kaniyang mga kababayan bilang kanilang alkalde kaya’t tuloy pa rin ang kaniyang paglilingkod.
