Itinanggi ni Obando Mayor Edwin Santos na sumuway siya at ang kaniyang constituents sa health protocols.
Ito’y matapos makita sa isang Facebook post na nagse-celebrate si Santos ng kanyang kaarawan.
Makikita sa litrato na wala silang suot na facemask at walang isang metro ang kanilang distancing.
Paliwanag naman ng alkalde na hindi niya inaasahan na isosorpresa siya ng barangay officials at mga malalapit nitong kaibigan na nagdala ng pagkain bilang handa sa kanyang kaarawan.
Dagdag pa ni Mayor Santos na wala silang sinuway na health protocols at lahat naman sila ay fully vaccinated na.—sa panulat ni Angelo Baino
