Kinasuhan na sa Ombudsman si Mayor Milbert Oliveros ng Cavinti, Laguna dahil sa umano’y panghahawa ng STD o Sexually Transmitted Disease sa isang babaeng itinago sa pangalang ‘Cristina’.
Una nang inihayag ni Cristina, nagke claim na dating kasintahan ng alkalde na alam na ni Oliveros na mayroon itong STD bago pa sila magtalik na aniya’y paglabag sa Anti Violence Against Women and Children Law at Civil Service Code.
Sinabi pa ni Cristina na nabuntis siya ng alkalde noong nagli live in pa sila subalit nakunan siya matapos malaman ang STD ni Oliveros at pambababae.
Hinamon ni Cristina si Oliveros na harapin ang batas at panagutan ang ginawa sa iba pang babae nito.
Una nang itinanggi ng tanggapan ni Oliveros ang akusasyon ni Cristina.
