Grocery food pack na puwedeng ipamigay sa nangangailangan ang hiniling na regalo ni Pasig City Mayor Vico Sotto sa mga nagtatanong kung ano ang nais niyang matanggap sa kanyang kaarawan ngayong araw na ito.
Sa kanyang social media account sinabi ni Mayor Sotto na maaari nilang ipadala ang grocery foodpack sa kanyang tanggapan.
Nakiusap rin si Sotto sa kanyang mga tauhan at supporters na huwag syang sorpresahin ng birthday party dahil ipinagbabawal pa ang mass gathering.
Bago pumasok ng opisina ay nag tweet pa si Sotto para sa kanyang mga tauhan na ayaw nyang may madadatnang anumang sorpresa para sa kanya sa Mayor Office.
