Pinaplano na ng Pamahalaan na gawing Bureau of Corrections Prison Facility ang isang Mega Drug Abuse Treatment Rehabilitation Center (MDATRC) sa Fort Magsaysay, Nueva Ecija.
Ayon sa Department of Justice (DOJ), makatutulong ito upang ma-de-congest ang New Bilibid Prison (NBP) sa Muntinlupa.
Isa sa mga problemang kinakaharap ng BuCor ay ang overpopulation sa NBP.
Dahil dito, nais ng ahensiyang tugunan ang suliranin sa pamamagitan ng pagkakaroon ng isa pang Prison facility.
Sa ngayon, wala pang pulong na nagaganap sa pagitan ng DOJ at Department of National Defense para sa naturang plano. —sa panulat ni Hannah Oledan
