Pinayagan ng militar sa unang pagkakataon na makapasok ang ilang mamamahayag sa main battle area sa Marawi City.
Kuwento ng mga media reporter na nakatapak sa battleground, makikita sa loob ang tindi ng pinsala ng giyerang idinulot ng mga terorista.
Anila, wala na halos natira sa mga gusali sa loob ng main battle area dahil nawasak na ito ng bomba at mga bala ng baril.
Makikita din anila sa loob ng mga compound ang lagusan na ginawa ng mga terorista upang mabilis na makalusot at makalipat ng lugar.
Bukod dito, may mga nakita ring underground na pinaniniwalaang ginamit ng Maute group na taguan ng mga armas at pagkain.
Samantala, ayon kay Brigadier General Rolly Bautista, Ground Commander ng Joint Task Force Marawi, ang kanilang hakbang na ito ay patunay na malapit ng mawakasan ang mahigit 3-buwang bakbakan sa Marawi City.
—-
