Nagluluksa pa rin si Megastar Sharon Cuneta sa pagpanaw ng kaniyang matalik na kabigang si Cherie Gil.
Sa Instagram post ng singer-actress, kaniyang ibinahagi ang masasayang ‘throwback’ pictures kasama si Cherie.
Ayon kay megastar, halos kalahati ng kaniyang buhay ang nawala mula nang namatay ang kaniyang kaibigan.
Sinabi ni Sharon na magtatatlong linggo na rin mula nang namatay si Cherie pero pakiramdam niya ay parang kahapon lang ito lumisan.
Nabatid na naging magkatrabaho ang dalawa sa isang classic film na “Bituing Walang Ningning” kung saan sumikat ang linya ng actress na, “you’re nothing, but a second rate, trying hard, copycat!”
Matatandaang pumanaw si Cherie noong Agosto a–5 dahil sa sakit na endometrial cancer.
