Kinilig umano si Megastar Sharon Cuneta matapos mabanggit ang pangalan niya ni Pangulong Rodrigo Duterte sa kaniyang dalawang talumpati.
Ito ang inihayag ni Sharon sa isang post sa kaniyang Facebook page at nagpasalamat din ito sa Pangulo.
Samantala, nagkaroon naman ng sagutan ang ilang netizens sa comment section ng Facebook post ng Megastar dahil sa pagtawag ng Pangulo na ‘friend’ kay Senador Kiko Pangilinan.
Hinimok naman ni Sharon ang mga naturang netizen na huwag mag-away.
Nag-ugat ang naturang usapan matapos na mabanggit ng Pangulo sa kaniyang talumpati sa ika-120 anibersaryo ng DOJ o Department of Justice at ika-56 anibersaryo ng Philippine Constitution Association ang kaniyang ‘utang na loob’ kay Senador Pangilinan.
Ani ng Pangulo, ito ay ang pagtawag niya sa senador para sa kahilingan ng anak na si Davao City Mayor Inday Sara Duterte na magkaroon ng isang ‘dinner date’ kasama ang Megastar.
