Inaasahang maglalabas ng memorandum si Pangulong Rodrigo Duterte kaugnay sa paggamit ng face shield ngayong Linggo.
Ayon kay Cabinet Secretary Karlo Nograles, hangga’t hindi nakakapagpalabas ng pormal na kautusan, ibig sabihin ay mananatiling “status quo” o parehas pa rin ang regulasyon kaugnay sa pagsusuot ng face shield.
Sinabi ni Nograles na nakasaad sa ilalabas na memo ang mga lugar na kanilang inirekomenda kung saan kinakailangan pa ring magsuot ng face shield.
Una rito, sumang-ayon ang pangulo na sa ospital na lamang dapat i-require ang pagsusuot ng face shield.
