Nakatakdang ilunsad ng Philippine Postal Corporation ang memorial stamp ni dating Pangulong Benigno Aquino III, bukas bilang paggunita sa ika-40 araw nitong pagpanaw.
Limitado lamang sa 40,000 piraso ang “Salamat PNoy” stamp na may P12 denomination at agad mabibili sa sandaling ilabas.
Ayon kay Postmaster General at Chief Executive Officer Norman Fulgencio, isinumite nila ang stamp sa mga kapatid ni Aquino na agad naman nilang inaprubahan.
Nakasulat din dito ang palayaw ng yumaong dating Pangulo na “PNoy” at larawang may suot na formal dark suit. — sa panulat ni Drew Nacino.
