Kinasuhan ng Bureau of Internal Revenue ng tax evasion sa Department of Justice ang 2 anak ni Pork Barrel Scam Queen Janet Lim Napoles.
Ito ay dahil sa hindi nabayarang buwis na mahigit sa 100 milyong piso.
Nahaharap sa kasong paglabag sa sections 254 at 255 ng National Internal Revenue Code ang mga opisyal ng JCLN Global Properties Development Corporation, gayundin ang presidente nitong si James Christopher Napoles at treasurer na si Jo Christine Napoles.
Ayon sa BIR, nabigo ang JCLN Corporation at ang magkapatid na Napoles na magbayad ng income tax mula 2008 hanggang 2009.
Nabigo rin ang mga respondent na ideklara sa kanilang comparative audited financial statements ang mga binili nilang condominium units sa Pasig City, Quezon City, Manila, Taguig, Bulacan at Kidapawan, Cotabato.
Kabuuang P101.7 Million ang hinahabol na tax liability ng BIR.
By: Meann Tanbio | Bert Mozo (Patrol 3)
