Iba’t-ibang klase ng armas, pampasabog at mga kagamitan ng mga miyembro ng new peoples army ang nakumpiska ng mga militar sa Negros Oriental.
Kasunod ito ng naganap na engkwentro sa pagitan ng 303rd Infantry Brigade ng Philippine Army at mga npa sa barangay Trinidad, Guihulngan City ng nabanggit na lalawigan.
Matatandaang nakasagupa rin ng mga militar ang mga miyembro ng NPA kung saan nasawi ang CPP-NPA Spokesman at ranking leader na si Romeo Nanta Alyas Juanito Magbanua.
Sa ngayon, inaalam na ng mga otoridad kung mayroong mga nasawi o nasugatan sa kanilang panig maging sa mga rebelde.
