Nakarekober ang mga awtoridad ng 30 high powered firearms ng Maute group sa Lake Lanao sa Marawi City.
Kasunod na rin ito nang isinagawang search and clearing operations sa Lake Lanao malapit sa Bandaringin Mosque sa Brgy. Marinaut.
Ayon kay Col. Romeo Brawner, Deputy Commander ng Joint Task Force Ranao, isa sa mga miyembro ng search teams ang nakakita sa isa sa mga armas na naging daan ng kanilang operasyon dito.
Sinabi ni Brawner na itinapon na lamang ng mga terorista sa lake ang mga naturang armas nang matantiyang matatalo na sila ng mga awtoridad sa mga pinakahuling oras ng bakbakan.
Inihayag ni Brawner na tuluy-tuloy ang kanilang search operations sa Lake Lanao sa pag-asang makarekober pa ng mas maraming armas.
—-
