Itinanghal sina Jerald Napoles at Paolo Gumabao bilang best lead actor gold award sa ginanap na virtual 28th Annual Filipino International Cine Festival ng Filipino Arts and Cinema International (FACINE) sa pamumuno ng organisasyon sa San Francisco, California, U.S.A.
Ibinahagi nina Jerald at Paolo ang parangal sa kanilang post sa Facebook at Instagram kung saan nagpasalamat ang dalawang aktor sa produksyon ng pelikulang kanilang pinagbidahan na ‘Lockdown’ at ‘Ikaw at ako ang ending’.
Nagwagi naman ang aktres na si Bela Padilla bilang best lead actress gold para sa pelikulang ‘On vodka, beers and regrets’
Samantala, 8 pelikulang pilipino ang naglaban-laban sa FACINE 28 na ipinalabas sa website ng naturang organisasyon. —sa panulat ni Airiam Sancho
