Dagsa na ang mga magsisipag-uwian sa mga lalawigan ngayong dalawang araw na lamang bago ang Pasko.
Nagpa-morningan na sa mga terminal ng bus sa Edsa Cubao mula pa kagabi para maghintay ng kanilang mga sasakyang bus.
Gayundin ang sitwasyon sa bahagi ng Pasay kung saan, dagsa na rin ang mga bakasyunistang uuwi sa kani-kanilang mga lalawigan patungong Bicol at Visayas area.
Magugunitang kahapon, ipinatigil ang biyahe ng mga bus patungong Dumaguete at Bohol dahil sa banta ng bagyong Vinta.
Samantala, ipinaabot ng Land Transportation Franchising and Regulatory Board o LTFRB na suspendido pa rin ang biyahe ng mga barko sa Zamboanga Port at lahat ng mga pantalan sa Basilan, Sulu at Tawi-Tawi.
—-
