Hindi dapat masayang ang mga bakuna kontra COVID-19 kaya’t kinakailangang maiturok agad ito sa next priority group tulad ng mga essential worker.
Ito ang inihayag ni Sen. Joel Villanueva kasunod na rin ng panawagan nito sa pamahalaan na agad gamitin ang mga bakuna kontra COVID-19 bago ito ma-expire.
Giit ng senador, maliban sa mga health frontliner, dapat ikonsidera rin ang iba pang frontliner na nasa pila ng pangunahing mabakunahan.
Kabilang na rito aniya ang mga tsuper ng pampublikong sasakyan gayundin ang naghahatid ng pagkain at iba pang pangangailangan tulad ng groceries
Binigyang diin ng senador na ang mga nabanggit ay bantad din sa COVID-19 kaya’t nararapat lamang silang mabakunahan upang maprotektahan mula sa banta ng nakamamatay na virus.
