Nagdiwang ang mga evacuees at kapamilya ng ilang nasawing sundalo sa bakbakan sa Marawi City kasunod ng balitang kumpirmadong patay na ang mga terrorist leader na sina Omar Maute at Isnilon Hapilon.
Puno ng pasasalamat ang ilang mga evacuees na nananatili sa Iligan City dahil dininig ni Allah ang kanilang mga panalangin.
Ngayong patay na ang mga lider ng Maute group umaasa ang mga bakwit na matatapos na ang kaguluhan at makababalik na sila sa kanilang syudad.
Hindi naman maitago ni Chinaline Tambooon, maybahay ni Marine Sergeant Briab Tamboon isang sniper na napatay sa labanan sa Marawi, ang kanyang kasiyahan sa pagkamatay nina Hapilon at Maute.
Aniya, ito na ang hustisya para sa kanyang asawa at iba pang mga sundalong nasawi at nasugatan sa pakikipagbakbakan sa Maute.
—-
