Kabilang na rin ang mga bansang Australia, Malaysia at Nepal sa mga bansang may kumpirmadong kaso ng novel coronavirus (2019-nCoV).
Ito’y makaraang kumpirmahin din ng Canada ang isang presumptive confirmed case ng nCoV ngayong araw lamang.
Una nang nakumpirma ang mga kaso ng nCoV Sa Japan, Thailand, France, Hongkong, South Korea, Vietnam at Estados Unidos.
Kahapon, nagpatupad na ng disease contingency plan ang Hongkong kung saan, itinaas sa serious ang kanilang emergency level.
