Mga bihag ng Maute nabunyag na ginagawang sex slaves

Ginagahasa na umano ng ISIS-Maute group ang kanilang mga bihag na kababaihan.

Ayon kay Joint Task Force Marawi Spokesman Lt. Col. Jo-Ar Herrera, batay sa salaysay ng nasagip na pitong (7) hostage ay pinuwersa na ng mga Maute na pakasalan sila ng kanilang mga bihag na babae.

Bukod dito ay pwersahan ding pinagnanakaw ng mga Maute ang mga bihag nito sa mga kabahayan na naisailalim na sa clearing ng militar.

Target ng mga Maute na makakuha ng bala, baril, pera, ginto at mga alahas.

May itinalaga pa umanong schedule ang mga ito sa pagnanakaw mula alas-7:00 ng umaga hanggang alas-11:00 ng umaga pagkatapos ay babalik sa kampo saka muling magnanakaw pagpatak ng alas-3:00 ng hapon.

By  Rianne Briones   

Comments

comments