Walang pagpipilian ang mga botante kung hindi iwan ang kanilang balota sa mga miyembro ng electoral board.
Ito ay ayon kay COMELEC Commissioner George Garcia kung saan nakalagay sa general instruction na habang kinukumpuni ang mga vote counting machine o vcm iiwan ng mga botante ang kanilang mga balota.
Dagdag ni Garcia, kapag hindi naman nakumpuni ang mga pumalyang VCMs ay papalitan naman ito ng ibang VCM na nakaabang.
Aniya, habang nasa repair hubs ang mga machine ay kailangan iwan muna ang mga balota sa lamesa ng mga electoral board kung saan nakaantabay naman ang mga poll watchers.
