Isa-isa nang sinusuri ng Manila Police District o MPD ang 348 CCTV cameras sa loob ng UST o University of Santo Tomas.
Kasunod ito ng pag-kuwestyon ng mga netizen sa inilabas na CCTV footage ng MPD na nagpapakitang magkasama umano sina hazing victim Horacio ‘Atio’ Castillo at suspek na si John Paul Solano sa labas ng UST.
Batay kasi sa mga netizen, hindi mga law student ng UST ang nasa video kundi mga estudyate ng College of Commerce base sa suot na uniporme.
Hamon naman ni MPD Director Chief Superintendent Jigs Coronel sa mga kumuwkestyon, lumapit sa pulisya at ipadokumento ang kanilang obserbasyon.
Sa kabila nito, nanindigan ang MPD na nakitang magkasama palabas ng UST Dapitan Gate sina Castillo at Solano batay sa kuwento ng mga testigo sa bisinidad ng eskwelahan.
—-
