Nabunyag na ipinupuslit rin sa iba pang detention cell sa loob ng National Bureau of Investigation o NBI ang mga ipinagbabawal na gamit tulad ng cellphones at iba pa.
Sa isang sorpresang inspection, nabuko nina Justice Secretary Leila de Lima ang mga mobile phones, chargers, wifi at iba pang communications gadgets kulungan ng iba pang high profile inmates.
Kabilang dito ang sa kulungan ng pyramid scam suspect na si Jachob Coco Rasuman at Pagadian Mayor Samuel Co.
Ayon kay de Lima, positibo ang natanggap niyang tip hinggil sa pagkakaroon ng mga bawal na gamit sa Detention 1 at 2 ng NBI katabi lamang ng detention cell ng tinaguriang Bilibid 19.
Matatandaan na kaparehong mga gadgets ang natuklasan ng DOJ sa kulungan ng Bilibid 19 kamakailan lamang.
By Len Aguirre
