Hindi bababa sa 30 construction workers ang hawak ngayon ng Maute Group sa Marawi City.
Kaugnay nito, sinabi ni Western Mindanao Command Spokesperson Capt. Jo-ann Petinglay na naka-alerto na ang tropa ng militar para sa pagsagip sa mga manggagawa.
Patuloy din aniya ang ground operations ng gobyerno sa mga lugar na kinaroroonan ng mga militante.
Una rito, humingi ng saklolo ang mga nabanggit na construction worker sa pamamagitan ng pagtawag sa kanilang mga kamag-anak upang magpaabot ng tulong sa pwersa ng gobyerno.
By: Meann Tanbio
