Ipinag-utos na ni Pangulong Rodrigo Duterte sa Philippine National Police ang pagbabantay sa lahat ng hotel na nagsisilbing COVID-19 quarantine facility ng mga nagbabalik na Filipino mula ibayong dagat.
Ito’y makaraan ang viral report ng dalawang babaeng tumakas sa Quarantine Hotel sa Makati City matapos dumating mula Estados Unidos.
Sa kanyang Talk to the People, inihayag ni pangulong duterte na hindi kakayanin ng mga hotel personnel na pigilan ang mga magpupumilit na tumakas sa quarantine kaya’t kailangang sumaklolo ang mga pulis.
