Pagsusuotin ng Cathay Pacific Airways ng surgical masks ang lahat ng kanilang crew members at frontline employees kaugnay sa banta ng bagong strain ng coronavirus.
Papayagan din ng airline company na magbago o mag kansela ng flights ang kanilng mga pasahero patungo at magmumula sa Wuhan, China kung saan unang kumalas ang virus.
Hanggang sa Marso 31, 2020 maaaring ipatupad ang rebooking o kanselasyon ng flight at walang babayaran ang pasahero.
Ginawa ng Cathay Pacific ang hakbang bilang tugon sa kahilingan ng kanilang flight attendants na makapagsuot ng masks sa lahat ng kaniyang mga biyahe sa ibat ibang bansa lalo’t kumalat na rin ang kaso ng SARS-like coronavirus sa Amerika, Thailand, South Korea, Japan, at Taiwan.
