Nagpaalala ang Philippine Embassy sa Mexico sa mga Pilipinong delegado ng World Youth Day 2019 sa Panama City, Panama.
Batay sa ipinalabas na advisory ng embahada, inabisuhan nito ang mga Pilipino na mag-ingat sa mga kakaining street food at inuming tubig.
Maliban dito, pinayuhan din ang mga delegado na magdala ng mosquito repellent at ugaliing sumunod sa mga road sign at mga abiso ng mga awtoridad.
Kahapon dumating na sa Panama City ang tatlong delegadong Pinoy para sa World Youth Day na mula sa Diocese ng Bacolod.
—-
