Pinapayagan na magbakuna kontra COVID-19 ang mga dentista sa bansa.
Ito’y batay sa inilabas na abiso ng national vaccine operation center, base sa naging ugnayan ng Professional regulatory commission at board of dentistry at Department Of Health, pinapayagan na silang maging vaccinator sa bansa.
Ayon kay Health Undersecretary Myrna Cabotaje, kailangan pa rin sumailalim sa training ang mga dentista hinggil sa techniques kung paano ituturok ang bakuna sa braso ng isang indibidwal.
Dagdag ni Cabotaje, malaki ang maitutulong ng mga dentista lalo na magsisimula na rin ang malawakang pagbabakuna sa mga edad 12 hanggang 17 taong gulang sa bansa.
Sinabi pa ni Cabotaje sa mga dentista na nais makatulong sa pagbabakuna na makipag-ugnayan lamang sa kanilang lokal na pamahalaan hinggil dito.
