Nasa Boracay na ang mga Foreign Ministers mula sa iba’t ibang bansa na kasapi ng ASEAN o Association of Southeast Asian Nations.
Ito’y para sa kanilang kauna-unahang pagpupulong sa Pebrero 21 bilang bahagi ng pagho-host ng Pilipinas sa ASEAN Summit na nasa 50 taon na.
Pangungunahan ni Foreign Affairs Secretary Perfecto Yasay ang ASEAN Ministers retreat na susundan naman ng Senior Officials meeting.
Kabilang sa mga tatalakayin sa nasabing pulong ang community building sa ASEAN Region gayundin ang pagpapatupad ng community vision sa taong 2025 at iba pang usapin na may kinalaman sa ASEAN.
By Jaymark Dagala
