Makakatanggap ng P 15,000 na one time service incentive ang mga empleyado ng Department of Education (DepED).
Batay sa DepED memorandum, ipapamahagi hanggang Enero 6 sa susunod na taon at ibibigay ng direkta sa mga empleyado nito.
Ayon kay Benjo Basas, Teachers’ Dignity Coalition National Chairperson maaaring maging problema ang pag-release ng cash incentives dahil mahihirapan ang ilang staff sa division offices na magawa ito nang mabilisan.
Samantala, nagpasalamat naman si Basas na hindi ito bumaba sa P 10,000.
