Isasailalim sa regular swab testing ang lahat ng mga guro na kasali sa pilot test ng face to face classes sa Valenzuela City.
Sinabi ni Valenzuela City Mayor Rex Gatchalian na ito ang nakikita nilang paraan upang masiguro ang kaligtasan ng mga batang lalahok sa in-person classes.
Nabatid na apat na section ng dalawang paaralan na may 16 na mga mag-aaral sa lungsod ang kasali sa limited face-to-face classes.
Ani alkalde, naging matagumpay ang unang araw ng klase kahapon.
Pinaalalahanan naman ng alkalde ang mga mag-aaral at mga guro na ugaliing sumunod sa minimum health protocols na ipinatutupad sa eskuwelahan.—mula sa panulat ni Joana Luna
