Kasado na ang mga hakbangin at paghahanda ng pulisya kontra terorismo.
Ayon ito kay NCRPO Director Guillermo Eleazar kasunod ng serye ng pag atake sa Sri Lanka.
Sinabi ni Eleazar na sunud sunod ang simulation activities ng NCRPO nitong mga nakalipas na linggo para matiyak ang kahandaan ng mga otoridad sakaling may nangyaring pag atake.
Kaugnay nito, muling hinikayat ni Eleazar ang publiko na maging mapagmatyag at mapagbantay sa kapaligiran at anumang kahina hinala aniya ay dapat kaagad isumbong sa mga otoridad.
