Itinanggi ng pamunuan ng 7th Civil Relations Group na hindi sa AFP o Armed Forces of the Philippines ang mga ibinebentang t-shirt na may tatak na Support our Troops sa mga malls.
Ayon kay Lt/Col. Victor Taggawohn, commander ng 7th Civil Relations Group, nakatanggap sila ng impormasyong may mga ibinebentang ibang kulay ng nasabing t-shirt at yung iba ay iniiba ang design sa halagang tatlong daang piso (P300.00).
Paglilinaw ni Taggawohn, hindi mapupunta sa AFP ang napagbenta ng mga nasabing mga t-shirts sa mall.
Iginiit pa ni Taggawohn na sa Camp Aguinaldo lamang nila ito ibinebenta at itim lamang ang kulay ng Support our Troops t-shirt ng AFP na nagkakahalaga lamang ng P150.00.
By Krista De Dios | With Report from Jonathan Andal
