Ipinadala na nina Prince Harry at Meghan Markle ang mga imbitasyon para sa kanilang nalalapit na royal wedding sa May 19.
Ayon sa Kensington Palace, aabot sa 600 wedding invitations ang kanilang naibigay na sa mga mapapalad na bisita sa gaganaping kasal sa St. George Chapel sa Windsor Castle.
Kasabay nito ay ipinadala na rin ng royal couple ang nasa 200 invitations para sa kanilang malalapit na kaibigan na dadalo sa after-party na gaganapin sa Frogmore House na pangungunahan ng Prince of Wales.
Nauna rito nilimitahan sa mahigit 2,600 katao ang inimbitahan sa kasal kung saan 1,200 dito ay mula sa publiko habang 200 naman ang galing sa mga charity institution na sinusuportahan ng dalawa.
