Mga kasangkot na taga-Marawi sa Maute-ISIS pinaiimbestigan ng Pangulo

Paiimbestigahan ni Pangulong  Rodrigo Duterte  pagkatapos  ng  bakbakan sa  Marawi City  kung  paano  nakaipon ng  maraming  armas  ang  Mautie-ISIS terror group .

Ito ay sa  harap na  rin ng  obserbasyon  kung  bakit  tila  hindi nauubusan ng  bala  at armas ang  mga  teroristang  patuloy na  nakikipagbakbakan  sa  mga  tropa  ng pamahalaan.

Sinabi ng  Pangulo na nakapagtatakang  nakikipagsabayan pa  rin ang  mga  teroristang  grupo sa  bakbakan sa mga  sundalo  kahit  mahigit  isang  buwan  na ang  mga  ito na  lumalaban  sa  mga  sundalo.

Malinaw  aniya  na  pinaghandaan ng  husto  at  nakapag-imbak  ng sapat  na armas ang  mga teroristang lumusob at  naghasik ng  karahasan sa  Marawi City.

Nais  malaman ni Pangulong  Duterte  kung  sino sa  mga  taga-Marawi ang  nakipagsabwatan sa  mga  Maute-ISIS para makapag-imbak  ng mraming  armas  sa  kanilang  lungsod.

By: Aileen Taliping

Comments

comments