Nanawagan ng nationwide peace rally sa December 26 ang Communist Party of the Philippines (CPP) upang ipakita ang pagkakaisa ng mga Filipino para sa pangmatagalang kapayapaan.
Isasagawa ang naturang aktibidad kasabay ng ika-48 anibersaryo ng CPP.
Hinimok din ng komunistang grupo ang publiko na kondenahin ang kabiguan umano ni Pangulong Rodrigo Duterte na tuparin ang mga ipinangako nito upang makamtan ang kapayapaan.
Partikular na ipinunto ni CPP ang kabiguan ng Pangulo na palayain ang lahat ng political prisoner na kanyang ipinangako at ang patuloy na deployment ng mga sundalo sa mga liblib na lugar sa kabila ng ceasefire.
By Drew Nacino
Photo Credit: AP Photo
