Inaasahan nang darating sa bansa ngayong linggo, July 19, ang mga labi ng 66 pang mga nasawing Overseas Filipino Workers (OFW) sa Saudi Arabia.
Ito’y ayon kay Labor Assistant Secretary Dominique Tutay.
Ayon kay Tutay, ang paparating na mga labi aniya ng mga nasawing Pinoy-abroad, ay ika-2 batch na pawang galing sa Saudi Arabia.
Nauna rito, noong July 10, iniuwi sa bansa ang unang batch ng mga nasawing Pinoy dahil sa COVID-19 at iba pang sakit na umabot sa kabuuang 49.
