Nanawagan ng imbestigasyon si Valenzuela City Representative Sherwin Gatchalian sa mga librong inilimbag ng Department of Education (DepEd) na naglalaman ng napakaraming mali.
Ayon kay Gatchalian, sayang lang ang perang mula sa buwis ng mga mamamayan na inilaan ng pamahalaan para sa mga aklat na gagamitin sana ng mga guro at mag-aaral.
Aniya, kailangan ng batas na magbibigay parusa sa mga responsable sa mga pagkakamali kabilang na ang mga government officials.
Nais din ni Gatchalian na magkaroon ng comprehensive review ang DepEd sa lahat ng libro at mga learning materials at tanggalin na ang mga nakitaan ng pagkakamali.
By Mariboy Ysibido
