Bumaba sa 70% ang mga lugar sa Metro Manila na nakasailalim sa granular lockdown.
Batay sa datos ng Philippine National Police, nasa 15 lugar na lamang ang naitala kumpara sa 30 lugar simula ng ibaba ang alert level 2 sa National Capital Region.
Sa nasabing bilang, 7 rito ay mula sa Quezon City habang 6 naman sa Southern Metro Manila at ang natitirang 2 ay matatagpuan naman sa Eastern Metro Manila.
Nasa 52 police personnel at 48 force multipliers ang ipinakalat upang matiyak ang kaligtasan at para na rin hindi na kumalat ang Covid-19 sa mga lockdown area.
