Nilinaw ni Department of Health (DOH) Secretary Francisco Duque, III na wala pang ‘Absolute Protection’ laban sa COVID-19 ang 23 lungsod na una nilang idineklarang naabot na ang herd immunity.
Aniya, maaari pa rin silang mapasukan ng sakit na COVID-19 lalo na ng mga manggagaling sa ibang lugar na may mababang vaccination coverage.
Samantala, sinabi ni Duque na dapat munang maabot ng bansa ang target na bilang ng populasyon na mabakunahan upang masabi na nakamit na ang herd immunity. —sa panulat ni Airiam Sancho
