Aabot sa 50,000 manok sa isang manukan ang ipinamimigay na lamang ng may ari sa candaba, pampanga.
Ayon sa may-ari ng farm, minabuti niyang ipamigay na lamang ang kanyang mga manok kaysa sa malugi dahil sa binabarat lamang sila dahil sa bird flu outbreak.
Sinabi pa nito na mabuti nang mapakinabangan ng kanyang mga kapitbahay ang mga alaga nitong manok na hindi naibenta.
Tuwang-tuwa naman ang mga residente na nakatanggap ng libreng manok.
Samantala, tiniyak naman ng lokal na pamahalaan ng Candaba na hindi apektado ng bird flu ang mga manok sa kanilang bayan.
By Ralph Obina
