Nakorner na ngayon ng militar sa iisang gusali ang mga natitirang terorista sa loob ng Marawi City.
Ayon kay Col Romeo Brawner ng AFP Joint Task Force Ranao, dito na lang nagaganap ngayon ang mga putukan.
Nasa loob anya ng basement ng gusali ito ang huling 30 kalaban, kabilang na ang nasa 5 banyagang terorista.
Nasa loob rin anya ng nasabing gusali ang ilang babae na asawa ng mga Maute-ISIS na nakikipag putukan na rin kasama ng kanilang mga mister.
Ayon kay Brawner, nakikiusap pa rin sila hanggang ngayon sa mga terorista na sumuko na partikular na ang mga babae at batang nakikipagputukan sa gobyerno.
